مقومات النجاح (3) البداية ...!
بعد ما تعلمنا في الخطوات اللي قبل كده أزاي نقدر نحدد إحنا عايزين نشتغل في أيه و أزاي نعمل خبرة ونجمع معلومات ونتعرف على أشخاص في مجال الشغل، ممكن نبدأ في الشغل بشكل عملي .. وهي الخطوة اللي هـ نتكلم عنها الآن.
==========
أزاي تبدأ الشغل الفعلي في مجال العمل ...!
من خلال المعلومات والأشخاص اللي عرفتهم في فترة الـ 21 يوم ، أصبح عندك خبره ولو بسيطة تمكنك من فهم طبيعة سوق العمل، مثلا في مجال التجارة أيا كانت .. يعني تعرفت على بعض التجار وعلى نوعية البضائع وأسعارها سواء بالجملة أو القطاعي و أمكان الأسواق ونوعية العملاء وهكذا...!
==========
تبدأ تشتغل الأول بالعمولة، يعني تتفق مع احد التجار انك تسوق له منتجاته في مقابل نسبة لكل منتج تنجح في بيعه .. وممكن تعمل الموضوع ده مع أكثر من تاجر ومتجر. طبعا في ناس هـ تقول إن التجار هـ ترفض أو أيه اللي يخليهم يوفقوا على انك تسوق لهم بالنسبة ؟ .. أنا أقول لك ...!
==========
في ناس كتير من التجار بـ تحتاج حد يسوق لهم لان محلاتهم في أماكن بعيده عن الأسواق أو غير معروفة أو المحل جديد أو المنتج جديد وهكذا .. المهم انك هـ تلاقي تجار تقبل انك تسوق لهم، ودلوقتي جه دورك بعد ما اتفقت مع التجار على التسويق والبيع والنسبة .. أول حاجة تعملها تجمع صور وأصناف المنتجات اللي هـ تعرضها، والموضوع مش محتاج لأي رأس مال.
==========
لأنك في الأول كل اللي مطلوب هو انك تعمل صفحة على النت وتعتبرها هي المحل بتاعك.. تعرض وتبيع من عليها كل المنتجات اللي أنت اتفقت عليها مع التجار، وطبعا ممكن تعمل ميزة لصفحتك .. هي انك ممكن توصل المشتريات لعملائك بنسبة مقابل الشحن.
==========
كمان ممكن تسوق المنتجات بطريقة مباشرة، وتنزل تقابل العملاء بنفسك .. ممكن تبدأ بأماكن تجمع الموظفين والنقابات وتعرفهم بصفحتك الخاصة بالبيع والمميزات اللي أنت بتقدمها مثل انك متعاقد مع أكثر من تاجر ومتجر وان عندك تنوع كبير من المعروضات وممكن توصل وتشحن المشتريات لهم .. ودي مجرد بداية فعلية لدخولك سوق العمل دون احتياج لأي رأس مال.. أما الخطوة التالية إنشاء الله ستكون في المقال القادم. وأي حد عنده استفسار أو استشارة يبعتلي على رسائل الصفحة ويا رب يكون الموضوع عجبكم،عموما مستني تعليقاتكم.
كمان ممكن تسوق المنتجات بطريقة مباشرة، وتنزل تقابل العملاء بنفسك .. ممكن تبدأ بأماكن تجمع الموظفين والنقابات وتعرفهم بصفحتك الخاصة بالبيع والمميزات اللي أنت بتقدمها مثل انك متعاقد مع أكثر من تاجر ومتجر وان عندك تنوع كبير من المعروضات وممكن توصل وتشحن المشتريات لهم .. ودي مجرد بداية فعلية لدخولك سوق العمل دون احتياج لأي رأس مال.. أما الخطوة التالية إنشاء الله ستكون في المقال القادم. وأي حد عنده استفسار أو استشارة يبعتلي على رسائل الصفحة ويا رب يكون الموضوع عجبكم،عموما مستني تعليقاتكم.
